කලේඅමුණකොලේ සහ පලුගස්වැව ගම්මානවලට පිරිසිදු පානීය ජලය ලබාදීමට සාමූහික වෑයමක්

අනුරාධපුර දිස්ත්‍රික්කයේ තලාව ප්‍රාදේශීය ලේකම් කොට්ඨාශයට අයත් කලඅමුණකොලේ සහ පලුගස්වැව ගම්මානවල ජනතාව පිරිසිදු පානීය ජලය නොමැතිකම හේතුවෙන් දීර්ඝ කාලීන දුෂ්කරතා විඳිමින් සිටිති. ආසන්න වශයෙන් පවුල් 300ක් පමණ වාසය කරන මෙම ගම්මාන මූලික වශයෙන් ඔවුන්ගේ ජීවනෝපාය සඳහා කෘෂිකර්මාන්තය සහ කුලී වැඩ මත රඳා පවතී.

මෙම දැවෙන ප්‍රශ්නය විසඳීම සඳහා ගම්මැද්ද කණ්ඩායම කලමුණුකොලේ ගම්මානයේ වැසියන් මුහුණ දෙන පිරිසිදු පානීය ජල අභියෝග හඳුනාගෙන ඊට පිළියමක් ලබාදීමට මූලිකත්වය ගත්හ. එහි ප්‍රතිඵලයක් ලෙස කලමුණුකොලේ ගම්මානයේ අලුතින් ඉදිකරන ලද RO ජල පෙරන පද්ධතිය භාරදීමේ උත්සවය 2024.01.27 දින සිදු විය.

ගම්මානයේ පවතින උග්‍ර පානීය ජල අර්බුදය හමුවේ ගම්මැද්ද සවිය සමිතිය සමඟ එක්ව ක්‍රියාකරමින් අදාළ යටිතල පහසුකම් ඉදිකිරීම සිදු කෙරිණි.

නුගේගොඩ ප්‍රදේශයේ පදිංචි පියල් වික්‍රමසූරිය මහතාගේ සහ දික්කුඹුර මලල්ගොඩපිටිය ප්‍රදේශයේ පදිංචි රූමන් ද සිල්වා ජයසිංහ මහතාගේ දායකත්වයෙන් මෙම ව්‍යාපෘතිය සිදු කිරීමට හැකි විය.