ගම්මැද්ද රත්මල්වැටියට බලාපොරොත්තුවක් ගෙනෙයි

ප්‍රධාන ජීවනෝපාය මාර්ගය ලෙස කෘෂිකර්මාන්තය මත යැපෙන රත්මල්වැටිය ප්‍රජාව ඓතිහාසික අනුරාධපුර නගරයේ පිහිටා ඇත. රත්මල්වැටිය ප්‍රදේශයේ පවුල් 500කට අධික ප්‍රමාණයක් ජීවත් වන අතර එහි දරුවන් 220ක් රත්මල්වැටිය ප්‍රාථමික විද්‍යාලයේ අධ්‍යාපනය ලබයි.

කාලයක් තිස්සේ රත්මල්වැටිය ප්‍රජාව මුහුණ දී සිටින සැලකිය යුතු අභියෝගයක් වන්නේ පිරිසිදු ජලය සඳහා ඇති ප්‍රවේශය සීමිත වීමයි. දශක ගණනාවක කෘෂිකාර්මික ක්‍රියාකාරකම් හේතුවෙන් කෘෂිකාර්මික ජලයෙන් භූගත ජලය අධික ලෙස දූෂිත වේ. දූෂිත ජලය පරිභෝජනය හේතුවෙන් ප්‍රජාව තුළ නිදන්ගත වකුගඩු රෝග ඇතුළු දරුණු සෞඛ්‍ය ගැටලු ඇති වී ඇති අතර රෝගීන් 12 දෙනෙකු දැනටමත් CKD රෝගයෙන් පෙළෙන බව හඳුනාගෙන ඇත.

මෙම තීරණාත්මක ප්‍රශ්නය හඳුනාගත් ගම්මැද්ද රත්මල්වැටිය ප්‍රදේශයේ RO ජල පෙරීමේ පද්ධතියක් ස්ථාපනය කිරීමට කඩිනමින් ඉදිරිපත් විය. 

රාජගිරියේ වෛද්‍ය හෙලනි ජයසේන, නාවල හර්ෂ ඩයස්, කොළඹ 02 රුකී විජේරත්න, වල්පොල රම්සින් රාසික් යන මහත්ම මහත්මීන්ගේ නොමසුරු දායකත්වයෙන් සහ ශ්‍රී ලංකා නාවික හමුදාවේ තාක්ෂණික සහය ඇතිව RO Water Filtration එකක් පද්ධතිය ස්ථාපනය කර 2024 අප්‍රේල් 10 වන දින රත්මල්වැටිය ප්‍රජාව වෙත භාර දෙන ලදී.

අපට ඔබේ ශ්‍රම දායකත්වය ලබා දෙන්න

අප සමග එක්වන්න