ගම්මැද්ද නාගවිලට සහනයක් ගෙන එයි

පුත්තලම දිස්ත්‍රික්කයේ පල්ලම ප්‍රාදේශීය ලේකම් කොට්ඨාසයේ නාගවිල පිහිටා ඇති අතර එහි පවුල් 470ක් වාසය කරයි. පදිංචිකරුවන් මූලික වශයෙන් ගොවීන් සහ දෛනික කුලී කම්කරුවන් වේ. දීර්ඝ කාලයක සිට පිරිසිදු පානීය ජලය ප්‍රජාවට අහිමි වී ඇත.

ගම්වාසීන්ට පිරිසිදු පානීය ජලය සඳහා ඉහළ මිලක් ගෙවීමට සිදු වේ, නැතහොත් දූෂිත ජලය පානය කිරීමට බල කෙරේ. මෙම පිරිසුදු ජලය නොමැතිකම හේතුවෙන් ගම්වාසීන්ට විවිධ රෝගාබාධ හා වකුගඩු ආබාධ ඇතිවී තිබේ.

විසඳුම වන්නේ නාගවිල ප්‍රදේශයේ RO පෙරීමේ යන්ත්‍රයක් ස්ථාපිත කර නිවැසියන්ට සහ පාසල් දරුවන්ට හානිකර දූෂකවලින් තොර පිරිසිදු පානීය ජලය අඛණ්ඩව සැපයීම, වකුගඩු රෝග සහ අනෙකුත් ජලයෙන් බෝවන රෝගවලට නිරාවරණය වීමෙන් ඔවුන් ආරක්ෂා කිරීමයි. මෙම ගැටලුව විසඳීමට ගම්මැද්ද ඉදිරියට ගිය අතර, ගම්මැද්ද කණ්ඩායම 2024 මැයි 17 වන දින RO ජල පෙරීමේ පද්ධතියක් සාර්ථකව ස්ථාපනය කරන ලදී.

මෙම ව්‍යාපෘතිය NEXT Manufacturing (Pvt) Ltd හි නොමසුරු දායකත්වයෙන් සිදු කළ අතර එය ශ්‍රී ලංකා නාවික හමුදාවේ තාක්ෂණික සහාය ඇතිව සිදු කරන ලදී.