නෙළුම්විල්ල - වසර 1 කින්

නෙළුම්විල,368 තුලාන යනු අනුරාධපුර දිස්ත්‍රික්කයේ මහවිලච්චිය ප්‍රාදේශීය ලේකම් කොට්ඨාසයේ පිටිසර ගම්මානයකි. නෙළුම්විල සහ ඒ අවට ගම්මාන 22 ක පවුල් 650 කට අධික සංඛ්‍යාවක් පදිංචිව සිටිති. අලි මිනිස් ගැටුමේ අර්බුදවලට ගම්වාසීන් දිනපතාම පාහේ මුහුණ දෙති. මෙම ගම්මාන කුකුළු ගොවීන් 150 කට වැඩි පිරිසකට නිවහන වේ. දුෂ්කරතා රැසක් මධ්‍යයේ ජීවත්වන මෙම ජනතාව පිරිසුදු පානීය ජල සැපයුමක් නොමැතිකමින් ද පීඩා විඳිති. ළිං ජලයේ කැල්සියම් මට්ටම බහුල වීමත් පරිභෝජනයට නුසුදුසු නිසාත් මුදලට පානීය ජලය මිලදී ගැනීමට ගම්වාසීන්ට සිදුව ඇත. ඔවුන් තම ළිං ජලය වෙනත් ගෙදර දොරේ වැඩ සඳහා යොදා ගත්තද වියළි කාලයේදී ළිං සිඳී යයි. බොහෝ ගම්වැසියන් ගොවීන් වන අතර, ඔවුන් ප්‍රධාන වශයෙන් ගොවිතැන සඳහා යැපෙන්නේ වැසි ජලය මතය.

ඝන ජලය පානය කිරීම හේතුවෙන් නිදන්ගත වකුගඩු රෝග හේතුවෙන් මේ වන විටත් පුද්ගලයින් 30 දෙනෙකු මියගොස් ඇති බව ගම්වාසීහු පවසති. වකුගඩු රෝගීන් 150ක් තවමත් ප්‍රතිකාර ලබමින් සිටිනවා. මෙම අර්බුද පිළිබඳව ගම්මැද්ද දැනුවත් කරන ලද අතර, ඉන් අනතුරුව 2021 නොවැම්බර් 06 වන දින මහවිලච්චිය, නෙළුම්විල ප්‍රදේශයේ ප්‍රජා ජල සම්පාදන ව්‍යාපෘතියක් ආරම්භ කරන ලද අතර 2022 පෙබරවාරි 4 වන දින ජල හිඟයෙන් ප්‍රජාවට නිදහස ලබා දෙමින් ව්‍යාපෘතිය ජනතා අයිතියට පත් කරන ලදී.

ගම්මැද්ද විසින් ගම්මැද්ද සවිය සමිතියක් පිහිටුවන ලදී - මෙම සවිය සමිති තම ගම්මානවල ගම්මැද්ද ව්‍යාපෘති නඩත්තු කිරීම හා නඩත්තු කිරීමේ වගකීම දරයි. ගම්මැද්ද නිතර අඩවි සංචාරය කරන අතරතුර; දෛනික නඩත්තුව සඳහා වගකිව යුත්තේ ගම්මුන් ය. සවිය සමිති සාමාජිකයන් සමඟ සම්බන්ධතා පවත්වන ගම්මැද්ද නිලධාරීන්ගේ අධීක්ෂණය යටතේ මෙය සිදු කෙරේ. ගම්මැද්ද ව්‍යාපෘති කෙතරම් තිරසාරද යන්න මෙයින් පෙන්නුම් කෙරේ.

ටෙනිසන් සහ විනීතා රුද්‍රිගෝ භාරකාර අරමුදලේ පරිත්‍යාගශීලීන්ගේ නියෝජිතයින් සමඟින් ගම්මැද්ද විසින් නෙළුම්විල ප්‍රදේශයේ RO කම්හල ස්ථාපනය කර වසර 1ක් පිරීම නිමිත්තෙන් ගමට ගොස් පරීක්‍ෂාවක් කර දරුවන්ට පෝෂණ මල්ල සහ සෙල්ලම් බඩු, ගැබිණි මව්වරුන්ට පෝෂණ මල්ල බෙදාදීම සිදු කරන ලදී. ගමේ වැඩිහිටියන්ට තෑගි.