අප සමග සම්බන්ධ වන්න
.png){kind=small}
.png)
COLOMBO (News 1st)l සති ගණනාවක විවිධ අභියෝග සහ බාධක මධ්‍යයේ, ඌව වෙල්ලස්සේ අනාගත පරම්පරාව ගම්මැද්ද සමඟ අත්වැල් බැඳගෙන 77 වන ජාතික නිදහස් දිනය සැමරූහ. කලාපයේ ළමුන් 2,000 කට අධික සංඛ්‍යාවක් විශේෂ සිදුවීම් රැසකින් සමන්විත මහා පෙළපාළියකින් අභිමානයෙන් මෙම අවස්ථාව සනිටුහන් කළහ.
ගම්මැද්ද නිදහස් දින පෙළපාළිය බදුල්ල-නුවරඑළිය මාර්ගයෙන් ආරම්භ වී හාලි ඇළ නගරය හරහා ගොස් හාලි ඇළ මහජන ක්‍රීඩාංගණයෙන් අවසන් විය.
මෙම අවස්ථාවට කැපිටල් මහරාජා සමූහයේ සමූහ අධ්‍යක්ෂ, සිරස මාධ්‍ය ජාලයේ ප්‍රධානී සහ ගම්මැද්ද නායක චෙවාන් ඩැනියෙල්, MTV ප්‍රධාන මෙහෙයුම් නිලධාරී සහ ගම්මැද්ද නියෝජ්‍ය නායක යසරත් කමල්සිරි, සිරස රූපවාහිනියේ සහ නිව්ස් 1st හි ජ්‍යෙෂ්ඨ කළමනාකාරිත්වය ඇතුළු සම්භාවනීය අමුත්තන් රැසක් සහභාගී වූහ.
බදුල්ල දිස්ත්‍රික් ලේකම් ප්‍රභාත් අබේවර්ධන, හාලිඇල ප්‍රාදේශීය ලේකම් චමින්ද වීරසිංහ, හාලිඇල ප්‍රාදේශීය සභා ලේකම් ඒ.ජේ.බද්දෙවිතාන,ඌව පළාත් අධ්‍යාපන ලේකම් නිහාල් ගුණරත්න,බදුල්ල කලාප අධ්‍යාපන අධ්‍යක්ෂ සරත් රණසිංහ,බණ්ඩාරවෙල කලාප අධ්‍යාපන අධ්‍යක්ෂ ධම්මිකා ප්‍රොවිනාත් මහත්මිය ඇතුළු සම්භාවනීය රාජ්‍ය නිලධාරින් සුජීව ගොඩගේ, බදුල්ල දිසාව භාර නියෝජ්‍ය පොලිස්පති සුජිත් වෙදමුල්ල යන මහත්වරු ද මෙම අවස්ථාවට එක්ව සිටියහ.
ගම්මැද්ද නිදහස් දින සැමරුම සාර්ථක කර ගැනීම සඳහා හාලි ඇළ ප්‍රාදේශීය සභාව, හාලි ඇළ මධ්‍ය මහා විද්‍යාලය සහ ඌව පළාත් අධ්‍යාපන දෙපාර්තමේන්තුව සැලකිය යුතු සහයෝගයක් ලබා දුන්හ.
මෙම වසරේ, උත්සවය අතරතුර සිසුන් 120 දෙනෙකු ජාතික ගීය ගායනා කළ අතර, ඉන් අනතුරුව 1818 ඌව වෙල්ලස්ස කැරැල්ලේදී සටන් කොට ජීවිත පූජා කළ නිර්භීත වීරයන්ට පුෂ්පෝපහාර දැක්වීය.
සැමරුමට සහභාගී වූ දරුවන්ට ජාතියට සහ ලෝකයට තම කුසලතා ප්‍රදර්ශනය කිරීමට අවස්ථාව ලබා දෙන ලදී.
ඌව වෙල්ලස්ස ජනතාවගේ ශක්තිය හා එකමුතුකම මෙම උත්සවය මගින් පෙන්නුම් කළේ ඔවුන් එක්සත් වුවහොත් ඔවුන්ට අත් කරගත නොහැකි කිසිවක් නොමැති බවයි.
ය